Banda La Kyela Nanenane La tembelewa Na Wanafunzi Wa Shule Ya Msingi Shiboya

Imewekwa Kwenye: August 7th, 2019

Wanafunzi wa shule ya Msingi Shiboya iliyopo wilayani Rungwe, imetembelea katika banda la Kyela Nanenane lililopo katika viwanja vya Mwakangale Mbeya  leo asubuhi, tarehe 06/07/2019.

Akiongea kwa niaba ya Wanafunzi mwalimu Happiness Nombo ambae ni mwalimu wa michezo amesema, wamevutiwa kutembelea banda la Kyela kwa kuwa na vitu vingi vya kuvutia. 

Aidha amesema amependa wataalam kutoka Kyela walivyowapokea Wanafunzi wao na kuwapa elimu juu ya uwepo wa vivutio vya utalii,magonjwa ya macho, kilimo cha bustani na mambo mengine mengi. 

Banda la  Kyela (Nanenane) limekuwa likitembelewa na wananchi wengi sana tangu lilipofunguliwa siku ya tarehe 01/08/2019. Na kikubwa kinachowavutia watu ni uwepo wa vitu vingi vya asili kama vyombo vya udongo wa asili, dagaa wa ziwa Nyasa, uwepo wa wajasiliamali ambao wanatoa huduma za elimu za ubunifu kwa wananchi. 

Pia uwepo wa Madaktari wa macho, Maafisa kilimo wanaotoa elimu juu ya kilimo bora imekuwa ni chachu kwa wananchi kuzidi kufurika katika banda hili. 

Imetolewa na:

Mkurugenzi Mtendaji 

Ofisi Ya Habari Na Mawasiliano 

Kyela.