Baraza La Madiwani Kyela Lapitisha Hesabu Za Mwisho Za Halmashauri Kwa Mwaka Wa Fedha 2020/2021

Imewekwa Kwenye: September 29th, 2021

Mkuu wa wilaya ya Kyela Mheshimiwa Ismail Mlawa amewataka Waheshimiwa Madiwani wa wilaya ya Kyela kusimamia na kuwa wakali katika kusimamia makusanyo ya Halmashauri, Mheshimiwa Ismail Mlawa ameyasema haya wakati wa kikao cha Baraza maalum kilichofanyika tarehe 29/09/2021.

Aidha amewataka kuwa makini katika kuhakikisha kila pesa inayokusanywa 40℅ ya makusanyo ni lazima ipelekwe katika miradi ya maendeleo ili Kyela izidi kusonga Mbele. Amesema wilaya ya Kyela bado ipo nyuma kimaendeleo lakini anaamini kwa ushirikiano uliopo baina ya viongozi na tukisimama pamoja Kyela itasonga mbele.

Kuhusiana na ugonjwa wa Corona, amewaasa Waheshimiwa Madiwani kuchanja kinga dhidi ya ugonjwa wa corona, kwani ongonjwa huu ni hatari sana.