Kamati Ya Siasa Ya Wilaya Ya Kyela Yatembelea Na Kukagua Miradi Ya Maendeleo

Imewekwa Kwenye: July 4th, 2022

  Mradi wa ujenzi wa kituo cha afya katika kata ya Njisi

Kamati ya Siasa ya wilaya ya Kyela, ikiongozwa na Mwenyekiti wa Chama Cha Mapinduzi wilaya Mheshimiwa Patrick Mwampeta, imetembelea na kukagua miradi ya maendelo hapa wilayani Kyela, Ukaguzi huu unafanyika kwa kuzingatia Ilani ya chama, ikiwa ni ziara ya kawaida kwa robo ya kwanza mwaka 2022/2023.

       Mradi mkubwa wa meli katika ziwa nyasa

Miradi iliyotembelewa ni pamoja na mradi wa meli ya abiria katika ziwa Nysa, ujenzi wa vyumba 2 vya madarasa katika shule ya msingi Ipyana, ujenzi wa shule ya sekondari Bondeni, ujenzi wa wodi ya mama na mtoto katika eneo la hospitali ya wilaya, duka la wanawake ambao wamenufaika na mkopo wa kuwawezeza wanawake, vijana pamoja na watu wenye ulemavu.

              Mradi wa maji mjini (Mbambo)

Miradi mingine iliyotembelewa ni pamoja na mradi wa ujenzi wa zahanati katika kata ya Ndandalo, mradi wa maji mjini (Mbambo), mradi wa maji vijiji (Sinyanga group).

Aidha katika ziara hiyo wajumbe wa kamati ya siasa waliweza kutembea wanufaika wa mradi wa TASAF kwa lengo la kujua maendeleo yao mara baada ya kunufaika na mradi huo, Hata hivyo viongozi hao hawakusita kutoa pongezi kwa Rais wa awamu ya Sita Mheshimiwa Suluhu Hassan, kwa kuwaona wananchi wa Kyela na hata kuwaletea miradi mingi ya maendeleo katika wilaya ya Kyela.

Pamoja na kutoa maelekezo kwa wataalam kwa baadhi ya miradi kukamilishwa kwa wakati, kamati hiyo ililidhia miradi yote ya maendeleo waliyoitembelea.

     Mradi wa shule ya sekondari Bondeni katika kata ya bondeni Kyela

      Mradi wa ujenzi wa zahanati katika kata ya Ndandalo

Ujenzi wa kituo cha zahanati ya Busoka katika kata ya Busale

  Mradi wa ukarabati wa daraja la waenda kwa mikuu (Kiteputepu) katika kata ya Ndandalo

 Mradi wa ujenzi wa vyumba 2 vya madarasa katika shule ya msingi Ipyana iliyopo kata ya Ipyana Kyela