Kyela Polytechnic College Yafungua Mafunzo Ya Ufundi Kwa Wanafunzi 337

Imewekwa Kwenye: June 25th, 2021

Chuo cha mafunzo ya ufundi Kyela Politechnic collage (KPC), Kimefungua mafunzo ya ufundi kwa wanafunzi 337, ambao wamelipiwa ada na ya mafunzo hayo na serikali ya Jamuhuri ya Muungano wa Tanzania, mafunzo yatakayofanyika kwa miezi sita. Mafunzo hayo yamefunguliwa leo tarehe 25/06/2021, katika viwanja vya chuo hicho hapa wilayani Kyela. 

Akifungua mafunzo hayo Mheshimiwa Mwenyekiti wa Halmashauri Katule G. Kingamkono, amewataka wanafunzi hao kusoma kwa jitihada na kuachana na mambo ya mtaani. Pia Mheshimiwa mwenyekiti aliwakumbusha wanafunzi hao kuwejiwekea malengo tangu wanapoanza masomo yao hadi watakapomaliza, ili elimu watakayoipata, ikawasaidie wao katika kujiajiri na kusaidia jamii kwa ujumla. 

Pamoja na hayo Mheshimiwa mwenyekiti amemhadi Mkuu wa chuo hicho kwamba, atatoa mikopo kwa vikundi 2, ambavyo vitaundwa na vijana hao punde baada ya kumaliza masomo yao, hii ni kwasababu ya kuwatia moyo vijana hao na kuongeza jitihada katika swala zima la kujiajiri.

Aidha Mkuu wa Chuo hicho ndugu Salatiel Mwakiambiki, aliwaasa wanafunzi hao kwa kusema, utajiri si lazima mtu aje akuwekee pesa mfukoni, bali hata kwa kutumia fulsa kama hii ambayo serikali imejitolea, kuwalipia wanafunzi ada hii, ambayo itawasaidia kusoma na baadae kwenda kujiajiri. Pia aliwataka wanafunzi hao kusoma kwa bidii na kuwa na upendo kwa wenzao ambao wamekosa nafasi hii, kwani kwa kufanya kwao vizuri anaamini, kwa awamu nyingine serikali itaongeza idadi ya wanafunzi hivyo hata wale waliokosa nafasi kwa sasa wataweza kufaidika. 

Nae Makamu Mkuu wa chuo hicho bi. Upendo Mwinuka amesema wanafunzi hao watafundishwa elimu ya vitendo kwa 60% na baada ya hapo watatafutiwa maeneo mbalimbali ili waweze kufanya mazoezi kwa vitendo zaidi na kuwa  tayari kwa kujiari. 

Kwa upande wao wanafunzi wametoa pongezi kwa serikali yao, kwa kuwalipia ada ili wao waweze kupata elimu hiyo itakayoweza kwasaidia wao kujiajiri, na baadae kuisadia jamii ya Wana Kyela na watanzania kwa ujumla. 

Sherehe hizi zilihuzuriwa pia na Kaimu Mkurugenzi ndugu Raphael Samweli, Mheshimiwa diwani wa kata ya Ndandalo Kefa Mwanganda, Afisa tarafa ya Unyakyusa ndugu Herry Willium pamoja na katibu wa Mbunge ndugu Edgar Mwasamlaghila.