Kyela Yaadhimisha Siku Ya Mashujaa Kwa Kufanya Usafi Wa Mazingira

Imewekwa Kwenye: July 24th, 2023

Mkuu wa wilaya ya Kyela Mhe. Josephine K. Manase akifanya usafi katika eneo ambalo shule mpya ya wasichana ya Mkoa inajengwa, kata ya Busale, ikiwa ni maazimisho ya siku ya mashujaa kiwilaya.

Mkurugenzi Mtendaji wa Halmashauri ya wilaya ya Kyela Bi. Florah A. Luhala akiwa anafanya usafi wa mazingira na baadhi ya watumishi.

Viongozi, watumishi, kamati ya ulinzi na usalama (W) wakishirikiana na wananchi wamefanya usafi wa mazingira katika maeneo ya kata ya Ikimba, Njisi, Busale pamoja na Ipinda, ikiwa ni sehemu mojawapo ya kuadhimisha siku ya Mashujaa, inayo adhimishwa tarehe 25/07/ kila mwaka. Maadhimisho kiwilaya yamefanyika tarehe 24/07/2023.

Mkuu wa wilaya ya Kyela Mhe. Josephine Manase akiwa ameambatana na Katibu tawala (W) ndugu Sabrina Hamoud Ruhwey, Mkurugenzi Mtendaji Ndugu Frolar A. Luhala, wameshirikiana na wananchi katika kusafisha eneo ambalo shule mpya ya wasichana ya Mkoa inapojengwa.

Katibu tawala (W), Bi. Sabrina Hamoud Ruhwey akiwa katika zoezi la usafi wa mazingira kata ya Busale, eneo ambapo shule mpya ya wasichana ya Mkoa inajengwa.

Akizungumza na baadhi ya wananchi wa kata ya Busale, waliojitokeza kushiriki suala la usafi wa mazingira katika eneo la ujenzi wa shule mpya, Mhe. Mkuu wa wilaya amesema;

Katika kuwaenzi Mashujaa, ni vema wananchi tukatambua mchango wa mashujaa wetu kwa kudumisha amani na upendo tulionao katika nchi yetu, Kama walivyofanya mashujaa wote tunaowaenzi siku ya leo.

Hata hivyo Mheshimiwa Mkuu wa wilaya amewapongeza wananchi wa kata ya Busale kwa kuwa na mwitikio mkubwa katika kujitoa katika shughuli za maendeleo.

Amewataka wananchi wa Kyela kuendelea kumuombea na kumshukuru Mheshimiwa Rais wa Jamhuri ya Muungano wa Tanzania Dkt Samia Suluhu Hassan kwa kutuletea shilingi bilioni 3, ambazo zinakwenda kujenga shule mpya. Amesema fedha zipo na vifaa vimeshaanza kufikishwa eneo la mradi.

Pamoja na hayo amewataka wananchi wa kata ya Busale kuwa walinzi wa mali na vifaa vyote vya mradi ili kuukamilisha mradi kwa wakati.

Pongezi kwa wananchi wa wilaya ya Kyela kwa kujizokeza kwa wingi katika maeneo mbalimbali na kushiriki maadhimisho ya siku ya mashujaa kwa kufanya usafi wa mazingira.

Watumishi na wananchi wakiwa katika picha ya pamoja baada ya kumaliza zoezi la usafi kata ya Ipinda.