Kyela Yapongezwa Kwa Kupata Hati Safi

Imewekwa Kwenye: June 17th, 2022

Mkuu wa Mkoa wa Mbeya Mheshimiwa Juma Homera ameipongeza Halmashauri wilaya ya Kyela kwa kupata hati safi huku akiwapongeza viongozi kwa kushughulikia hoja za CAG.

Akiongea katika Baraza la Wqheshimiwa Madiwani june 16 2022, lililoketi katika ukumbi wa halmashauri ya wilaya ya Kyela Mkuu wa Mkoa wa Mbeya Mheshimiwa Juma Homera amesema, hapo awali miongoni mwa halmashauri zilizokuwa na hoja nyingi nchini ilikuwa ni halmashauri ya wilaya ya Kyela ila kwa sasa hapana.

Akizungumzia zoezi za anuani za makazi amesema katika halmashauri ya wilaya ya Kyela zoezi limeenda vizuri na kuwapongeza viongozi kwa kufanikisha zoezi hilo na kuwataka kuendelea kutekeleza maelekezo yanayotolewa na Rais wa Jamhuri Wa Muungano Wa Tanzania Mheshimiwa Samia Suluhu Hassan.

Kwa upande wake mwenyekiti wa halmashauri ya wilaya ya Kyela Mheshimiwa Katule Kingamkono amesema wametoa siku 90, kwa Mkurugenzi Mtendaji wa halmashauri, kuwachukulia hatua watendaji wote wa serikali ambao wameenda kinyume katika ukusanyaji wa mapato ya serikali.