Mhe. Mkuu Wa Mkoa Wa Mbeya Afanya Ziara Wilayani Kyela

Imewekwa Kwenye: June 5th, 2024

Mkuu wa mkoa wa Mbeya Mhe, Juma Zuberi Homera amefanya ziara wilayani Kyela, tarehe 04/06/2024.

Katika ziara yake, Mhe. Mkuu wa mkoa, ameambatana na Mkaguzi Mkuu wa Hesabu za Serikali mkoa wa Mbeya, Afisa Mipango na Kamati ya Ulinzi Na Usalama ya Mkoa.

Mhe. Mkuu wa mkoa, ametembelea kituo cha afya  Kilasilo kata ya Ikimba, na kufanya kikao cha baraza la hoja katika ukumbi wa mikutano wa  Halmashauri ya wilaya ya Kyela.

Mhe, Mkuu wa mkoa amewashukuru viongozi wa halmashauri wilaya Kyela, kwa  usimamizi mzuri wa ukusanyaji mapato  pia ameomba kutumia vizuri mapato hayo, kwa kumalizia miradi mbalimbali ili iweze kuwasaidia wananchi.

Aidha Mhe. Juma Zuberi Homera, amefurahishwa na  viongozi wilayani Kyela, kwa kudumisha umoja na ushirikiano na hata kufikisha 113% ya mapato hadi kufikia tarehe 24/05/2024.

Akiongea na wananchi katika kata ya Ikimba, Mhe. Mkuu wa mkoa ameitaka halmashauri ya wilaya ya Kyela, kukamilisha jengo la mama na mtoto na kuanza kutoa huduma kwa wananchi ifikapo tarehe 25/06/2024.

Pia amewataka madiwani kufanya  mikutano ya hadhara kwa ajili ya kusikiliza na kutatua kero za Wananchi.