Mkuu Wa Mkoa Wa Mbeya Afungua Rasmi Mashindano Ya Mbeya Super Cup Wilayani Kyela

Imewekwa Kwenye: July 15th, 2022

Mkuu wa Mkoa wa Mbeya Mheshimiwa Juma Homera amefungua rasmi mashindano ya mpira yajulikanayo kama "Mbeya Super Cup" mashindano yanayoshirikisha timu za mpira kutoka wilaya zote za Mkoa wa Mbeya, Pamoja na timu kutoa Nchi jirani yaani Zambia, mashindano haya yamefunguliwa tarehe 15/07/2022 katika viwanja vya Mwakangale Hapa wilayani Kyela.

Akifungua mashindano hayo Mheshimiwa Mkuu wa mkoa amesema, kazi ya kuandaa mashindano ya ligi ya mpira, lengo lake kubwa ni kutekeleza Ilani ya Chama Cha Mapinduzi, pia kuongeza ajira kwa vijana, amesema mashindano kama haya yanatakuwa kufanyika kwa kila mkoa na kwa mkoa wa Mbeya tayari tumekwisha anza kutimiza ilani ya Chama Tawala.

Aidha ametumia fulsa hiyo kutangaza zawadi mbalimbali ikiwemo zawadi ya mshindi wa kwanza na mshindi wa pili, kupata fulsa ya kushiriki mashibdani ya "Mchele pre-season" katika wilaya ya Mbarali.

Pamoja na hayo Mheshimiwa Mkuu wa mkoa amesema, kwa mshindi wa kwanza wa mashindano ya Mbeya Super Cup atapata fedha taslimu shilingi milioni 7 na kombe lenye thamani ya shilingi laki 7, mshindi wa pili atapata shilingi milioni 5 na mshindi wa tatu atapata shilingi milioni 3, bila kusahau zawadi za makocha bora ikiwa ni pamoja na wafungaji na wachezaji bora, watapewa zawadi zao kwa kiwango kisichopungua 100,000/= 

Nae Mstahiki Meya wa Jiji la Mbeya Mheshimiwa Dormohamed Issa Rahmat ametoa shukrani zake za dhati kwa Mheshimiwa Mkuu wa mkoa kwa kuanzisha mashindano haya, kwani mashindano haya huibua ajira kwa vijana wengi.

Kwa upande wake Mkuu wa wilaya ya Kyela Mheshimiwa Ismail Mlawa, amemshukuru Rais wa awamu ya sita Mheshimiwa Samia Suluhu Hassan kwa kuruhusu mashindano haya kufanyika ndani ya wilaya ya Kyela, kwani mashindano haya yameichangamsha wilaya yetu ya Kyela.

Hata hivyo Mkurugenzi Mtendaji wa Halmashauri ya wilaya ya Kyela ndugu Ezekiel Magehema, alimpongeza Mheshimiwa Mkuu wa Mkoa kwa kuyaleta mashindano haya katika wilaya ya Kyela, na kuahidi kwamba wageni wote waliofika katika wilaya yetu kushiriki michezo hii, watakuwa salama.

Mwisho.