Mkuu Wa Wilaya Ya Kyela Azindua Kampeni Ya Chanjo Ya Polio

Imewekwa Kwenye: September 21st, 2023

Mkuu wa wilaya ya Kyela Mhe. Josephine Manase akimpa mtoto chanjo ya Polio katika zoezi la ufunguzi wa kampeni ya chanjo katika eneo la kitongoji cha Roma wilayani Kyela.

Mkuu wa wilaya ya Kyela Mheshimiwa Josephine Manase  tarehe 21/09/2023 amezindua kampeni ya utoaji wa chanjo ya Polio, zoezi limefanyika katika kata ya Mbugani kitongoji cha Roma.

Zoezi limehudhuriwa na Mbunge wa jimbo la Kyela Mhe. Ally Mlaghila Jumbe, Wawakilishi kutoka wizara ya Afya na Mkoa, Katibu tawala wa wilaya Ndugu. Sabrina H. Ruhwey, Mkurugenzi Mtendaji wa Halmashauri ya wilaya ya Kyela Ndugu Frolah A. Luhala, Mkuu wa Idara ya Afya, Ustawi wa jamii na Lishe wa wilaya Dr. Saumu Kumbisaga pamoja na timu za utoaji wa chanjo dhidi ya ugonjwa wa Polio hapa wilayani.

Akizungumza wakati wa uzinduzi wa Kampeni ya chanjo, Mkuu wa wilaya ya Kyela Mhe. Josephine Manase amesema;

Lengo la Serikali la kutoa chanjo dhidi ya ugonjwa wa polio, ni kumkinga mtoto dhidi ya ugonjwa hatari wa Polio, ugonjwa ambao hauna dawa.

Amesema kampeni inawahusu watoto wote walio chini ya miaka 8, ili kuwakinga na maambukizi ya ugonjwa wa Polio ambao ukimpata mtoto anaweza akapata ulemavu wa kudumu au unaweza kumsababishia kifo.

Mbunge wa jimbo la Kyela Mhe. Ally Mlaghila Jumbe akimpa mtoto chanjo ya Polio katika uzinduzi wa kampeni ya chanjo nyumba kwa nyumba inayoanza tarehe 21-24/09/2023.

Aidha amewataka wazazi, walezi kuwatoa watoto wao ili waweze kupata chanjo katika kampeni hizi zilizoanza tarehe 21-24/09/2023 ili kumitiza malengo ya idadi ya watoto ambao Serikali imeazimia kuwafikia katika wilaya ya Kyela.

Katibu Tawala wa wilaya ndugu Ndugu. Sabrina H. Ruhwey, akimpa chanjo mtoto katika zoezi la uzinduzi wa kampeni ya chanjo ya Polio.

Nae Mbunge wa jimbo la Kyela Mhe. Ally Mlaghila Jumbe ametoa pongezi za dhati kwa Mhe. Rais wa Jamhuri Ya Muungano wa Tanzania Dkt. Samia Suluhu Hassan kwa kuwajali watoto wa Tanzania, kwani watoto ndio Taifa la baadae.

Mkurugenzi Mtendaji wa Halmashauri ya wilaya ya Kyela Ndugu, Frolah Luhala akiwa katika zoezi la uzinduzi wa kampeni wa chanjo dhidi ya Polio.

"Wazazi tukumbuke kuwa watoto hawa ndio Taifa la baadae hivyo tusipowapa chanjo leo, tunatengeneza Taifa dhaifu' amesema Mhe. Ally.

Mwisho amewata wazazi kujitokeza kuwachanja watoto wao kwani zoezi hili linafanyika kwa kufuata  nyumba kwa nyumba, hivyo uhakika wa kupata chanjo kwa kila mtoto upo, kinacho hitajika ni ushirikiano baina ya wazazi na walezi wa watoto waliopo majumbani mwetu.