Mwenyekiti Wa Halmashauri Ya Wilaya Ya Kyela Atoa Makopo 16 Ya Rangi Kuhamasisha Uandikaji Wa Anwani Za Makazi Kyela

Imewekwa Kwenye: May 18th, 2022

Mwenyekiti wa Halmashauri ya wilaya ya Kyela Mhe. Katule G. kingamkono ametoa makopo 16 ya rangi ya njano na nyeusi, ili kuhamasisha zoezi la uandikaji wa namba za anwani za makazi katika makazi ya wananchi.

Mhe. Kingamkono ametoa makopo hayo wakati akifanya hamasa kwa wananchi wa kata ya Ikimba 16/5/2022. Akiweka kibao cha barabara ya mtaa wa LUSAKA 1, mheshimiwa amesema, suala la uwekaji wa namba katika nyumba zetu si swala la kubeza, kwani namba hizi ni msaada mkubwa pale tunapopata matatizo na hata katika shughuli za kibiashara. “Namba hizi zitatusaidia huduma kutufikia kwa haraka mahali popote tulipo”. Alisema Mhe. Katule

Aidha aliwaomba wadau kujitokeza kuchangia zoezi hili, ili kulikamilisha kwa wakati, aliongeza kwa kusema kwa upande wake ataendelea kutoa rangi na kuwalipa posho wale wote watakaosaudia zoezi la uandikaji wa namba za makazi katika nyumba za wananchi katika kata ya Ikimba.