Mwenyekiti Wa Halmashauri ya Wilaya Ya Kyela Awahamasisha Wananchi Wa Kata Ya Ipyana Kujenga Shule Ya Sekondari

Imewekwa Kwenye: November 18th, 2021

 Mwenyekiti wa Halmashauri ya wilaya ya Kyela, Mheshimiwa Katule G. Kingamkono akiongea na wananchi wa kata ya Ipyana.

 Mwenyekiti wa halmashauri ya wilaya ya Kyela Mheshimiwa Katule G. Kingamkono amefanya mkutano wa hadhara katika kata ya Ipyana iliyopo wilayani Kyela, tarehe 18/11/2021 na kuwahamasisha wananchi wa kata hiyo kuanza ujenzi wa shule ya sekondali ya ipyana.

Akizungumza na wananchi hao waliojawa na furaha kubwa ya kumsikiliza kiongozi huyo, amesema, kata ya Ipyana itajengwa na wana Ipyana wenyewe, amewataka wananchi hao kuwa na wivu wa maendeleo kwani kila kata hapa wilayani Kyela inakazana namiradi ya maendeleo. Amewataka wananchi hao kuacha malumbano na kuungana ili kuleta maendeleo yenye tija.

Wakiongea kwa furaha kubwa wananchi hao walikubaliana kuondoa tofauti zao na kuahidi kuanza ujenzi huo tarehe 15/12/2021 na kuchangia fedha ili kuanzisha ujenzi wa shule hiyo, huku Mbunge wa jimbo la Kyela Mheshimiwa Ally J. Kinanase akiahidi kuchangia mifuko 100 ya saruji.

Mheshimiwa Katule G. Kingamkono akikagua mipaka ya maeneo ambapo shule mpya ya Ipyana Sekondari inatarajiwa kujengwa kuanzia tarehe 15/12/2021.

Pamoja na hayo Mheshimiwa Mwenyekiti wa halmashauri ya wilaya ya Kyela aliweza kuwatembelea wananchi wa kitongoji cha Mbondela, kilichopo kata ya Ikilo, na kuwatia moyo juu ya kuwaondolea adha ya makaravati ambayo ni changamoto kwa barabara nyingi katika kitongoji hicho hasa wakati wa masika.

Baadhi ya akina bibi wa kitongoji cha Mbondela kata ya Ikolo wakipota kushukuru mbele ya Mheshimiwa Katule G. Kingamkono Mwenyekiti wa Halmashauri, mara tu baada ya kuwahakikishia kuondoa adha ya baadhi ya makaravati sumbufu.

Moja kati ya madaraja sumbufu katika kitongoji cha Mbondera kata ya Ikolo ambapo Mheshimiwa Mwenyekiti wa Halmashauri amechangia shilingi 50,000/= kwa ukatabati wa mda.