Safiri Salama Na MV Mbeya ii

Imewekwa Kwenye: January 18th, 2024

Meli ya MV Mbeya ii, ikiwa inapakia abiria katika forodha ya Matema wilayani Kyela.

Usafiri wa Meli ya MV Mbeya ii, umekuwa msaada mkubwa sana kwa wakazi wa mikoa ya Njombe, Ruvuma na Mbeya, kwani kwa sehemu kubwa wananchi hutumia usafiri huo kutoka eneo moja kwenda jingine.

Meli ya MV Mbeya ii, ni miongoni mwa vyanzo vya kukuza uchumi wa mwananchi mmoja mmoja, kwani hutumika katika kusafirisha abiria pamoja na mizigo ya wajasiriamali waishio mwambao mwa ziwa Nyasa na sehemu nyingine ndani na nje ya nchi yetu.

Wananchi wilayani Kyela, wameendelea kuishukuru serikali ya awamu ya sita kwa kuhakikisha wananchi waishio mwambao mwa ziwa Nyasa na pembezoni wanapata ahueni ya usafirishaji wa bidhaa zao, awali walitembea umbali mrefu katika kuwatembelea ndugu na jamaa, ikiwemo utafutaji wa masoko ya bidhaa zao.

Karibuni Kyela