Serikali Hushirikiana Na Wadau Ili Kukamilisha Miradi Ya Maendeleo-Francis Mwaipopo

Imewekwa Kwenye: September 24th, 2020

Haya yamezungumzwa na kaimu Mkurugenzi Mtendaji wa Halmashauri ya wilaya ya Kyela Ndugu Francis Mwaipopo leo tarehe 24/09/2020, alipokuwa akipokea vifaa vya ujenzi kwa ajiri ya ukarabati wa chumba cha upasuaji(Theater) katika hospital ya wilaya ya Kyela. 

Amesema Serikali ya awamu ya tano haijawatenga wadau wa sekta binafsi katika kukamilisha ujenzi wa miradi ya maendeleo, Serikali hii inawaamini na kuthamini michango mbalimbali itolewayo na wadau, kwani michango yao hufanikisha ukamilishaji wa maendeleo katika nchi yetu.

Hivyo aliwapongeza wafanyabiashara wa Kyela waliungana na kuchangia vifaa vya ujenzi vyenye thamani ya shilingi milioni 1,300,000/=, na aliwataka wananchi pamoja na wafanyakazi kuiga mfano huu kwa maendeleo ya miundombinu ya afya kwa ujumla wake. 

Aidha ndungu Afron Gwaela Sanga alimaarufu kama Himili Park amesema, yeye na wafanyabiashara wenzake 3, yaana Sumba Kyando, Bariki Sanga na Sawei wameguswa baada ya kusikia kuwa, chumba cha upasuaji cha hospital ya wilaya ya Kyela kinaihitaji ukarabati. Hivyo wakaamua kuungana na kutoa mchango huo. 

Pia wamewaomba wananchi, wafanyakazi pamoja na wafanyabiashara wengine, watakaoguswa na jambo hili nao wachangie kwani hospitali hii ni ya wote na wala sio ya manesi au madaktari tu. 

Mwisho Kaimu Mganga Mkuu wa hospitali ya wilaya ya Kyela ndugu Benson Kuya  aliwashukuru wafanyabiashara hao, na kuwaomba wasichoke kutoa misaada kama hiyo pale wanakapohitajika kufanya hivyo kwa wakati mwingine tena, kwani ujenzi na ukarabati wa hospitali yetu bado unaendelea.

Habari Na Mawasiliano 

Kyela.