Vyandarua 43837 Vyapokelewa Wilayani Kyela Kutoka Msd

Imewekwa Kwenye: October 30th, 2023

Halmashauri ya Wilaya ya Kyela imepokea vyandarua 43837 kutoka Msd kwa ajili ya Wanafunzi wa Shule za Msingi za Serikali na Shule binafsi.

Akikabidhi vyandarua hivyo Mfamasia wa Kanda  Caroline Cornelius amesema, Msd  imegawa vyandarua hivyo katika Halmashauri ya Wilaya ya Kyela kwa Shule  114,Walengwa wakiwa Wanafunzi kuanzia darasa la kwanza hadi darasa la  Sita.

Akipokea vyandarua hivyo Mkuu wa Wilaya ya Kyela Josephine Manese, ameishukuru serikali kwa msaada huo na kuahidi kuvigawa vyandarua hivyo kwa  kuwafikia walengwa.

Manase ameongeza kuwa,walengwa wanatakiwa kuvitumia kwa matumizi sahihi ili kujikinga na malaria,huku akisisitiza kufanya ufuatiliaji na kuwachukulia hatua za kisheria watakaobainika kutumia vyandarua kwa matumizi ya uvuvi na kilimo.