Wafanyakazi 15 Wa Idara Ya Afya Wapewa Mafunzo Ya Awali Kazini

Imewekwa Kwenye: July 5th, 2018

Halmashauri ya wilaya ya Kyela imetoa mafunzo ya awali kwa wafanyakazi 15 wapya wa idara ya Afya Kyela siku ya tarehe 4 july 2018.

Kaimu Mganga Mkuu wa hospitali ya wilaya ya Kyela ndugu Wilson Brown amesema, mafunzo haya yana umuhimu mkubwa sana, kwani watumishi hawa wanakwenda kuhudumia jamii ya Watanzania na dunia kwa ujumla wake. 

Hivyo ni vema wakajua taratibu, sheria na kujua mambo mbalimbali yatayowafanya kuwa waadilifu kazini. Wafanyakazi hawa wamepewa elimu ya madhara ya rushwa kazini, sheria za kazi na majukumu ya utumishi. 

Aidha Kaimu Afisa Utumishi Lillian Sanga alisema ni vizuri kwa mfanyakazi anaeanza kazi kupata mafunzo haya ili kuweza kutoa huduma zilizo bora kwa Wananchi wote.

Ifahamike kwamba endapo mfanyakazi anaeanza kazi asipopata elimu hii hata utendaji wake wa kazi kazini hautakuwa wakuridhisha.