Waheshimiwa Madiwani Wafanya Baraza La Kazi La Robo Ya Tatu 2023/2024

Imewekwa Kwenye: May 8th, 2024

Waheshimiwa Madiwani wa Halmashauri ya wilaya ya Kyela, wamefanya Baraza la kazi la robo ya 3 leo 08/05/2024, katika ukumbi wa mikutano wa Halmashauri ya wilaya ya Kyela.

Baraza hilo limehudhuriwa na waheshimiwa madiwani wote,Kaimu Mkurugenzi Mtendaji wa Halmashauri, Wakuu wa Idara mbalimbali na Vitengo.

Akifungua baraza hilo Makamu Mwenyekiti wa Halmashauri ya wilaya ya Kyela Mhe. Adam akabeta, amewasifu wataalamu kwa kufanya kazi vizuri kwa robo ya 3 ya mwaka wa fedha 2023/2024.

Katika Baraza hilo waheshimiwa Madiwani wamepata nafasi ya kuwasilisha taarifa za kazi kutoka katika kata zao.

Pia kutoa maagizo ya upatikanaji wa mashine za kukusanyia ushuru ( POS) kwa kila kijiji ili kuleta ufanisi wa ukusanyaji wa mapato.

Mwisho Mhe. Luka Mwakitalu alipata fursa ya kuapishwa akiwa ni Mhe. diwani kutoka kata ya Nkokwa ili kuendelea na majukumu yake ya kuleta maendeleo ndani ya wilaya.