Wataalamu Waaswa Kutembelea Miradi Inayoanzishwa na Wananchi, Serikali Kyela

Imewekwa Kwenye: August 23rd, 2018

Waheshimiwa Madiwani wa wilaya ya Kyela wamefanya ziara ya kutembelea miradi ya maendeleo kwa muda wa siku tatu, kwa mwezi huu wa nane.

Ziara hizo zimefanyika kwa kupitia kamati za kudumu, kamati ya Fedha, Uongozi na Mipango, kamati ya Elimu, Afya na Maji pia kamati ya Uchumi, Ujenzi na Mazingira.

Aidha waheshimiwa madiwani wametembelea miradi mingi kama, mradi wa ujenzi wa ofisi mbili za walimu, vyoo viwili vya wasichana na wavulana katika shule ya sekondari Ipande, mradi wa ujenzi wa zahanati Kasala, mradi wa uboreshaji wa huduma ya maji Kyela mjini.

Miradi mingine iliyotembelewa ni pamoja na mradi wa ujenzi wa stendi ya mabasi Lubele, ujenzi wa madarasa mawili katika shule ya sekondari lkimba, mradi wa kizuia mmomonyoko katika kingo za mto Mbaka, pamoja na mradi wa kisima cha maji Ikolo.

Katika ziara hizo waheshimiwa Madiwani wamegundua changamoto nyingi zinazoikumba miradi ya maendeleo wilayani Kyela.

Aidha wamesema changamoto za miradi mingi ni kutelekezwa na wataalamu kutoka halmashauri,  kutokuwa na taarifa zilizo makini na sahihi kwa miradi husika.

Wakiongozwa na mwenyekiti wa halmashauri ya wilaya ya Kyela Mhe. Hunter Mwakifuna, madiwani wamewataka wataalamu kuacha kukaa ofisini na badala yake watoke waende kutembelea miradi.

Kwani kwa kufanya hivyo, miradi inayoanzishwa na serikali na wananchi inaweza kuisha kwa wakati na ubora unaotakiwa, na kuwafanya wananchi kunufaika na miradi hiyo. 

Mwisho wananchi waliwapongeza waheshimiwa madiwani kwa kufanya ukaguzi wa miradi katika vijiji vyao, na pia waliwaombea heri viongozi wote ambao wanatoka na kwenda kuwasikiliza wananchi.

Waheshimiwa madiwani wakijadiliana na wananchi, walipokuwa katika ziara ya ukaguzi wa mradi wa ujenzi wa stendi ya mabasi lubele Kyela.

hapa ndipo mradi wa kujenga kingo za mto Mbaka unapotakiwa kufanyika.

mmomonyoko wa kingo za mto Mbaka zinavyozidi kiathili mazingira.

Imetolewa na,

Kitengo cha Habari na 

Mawasiliano

KYELA.