Kyela Yaandaa Mpango Mkakati Kwa Mwaka 2019-2024

Posted on: July 10th, 2019

Wadau wa maendeleo Kyela, wakishirikiana na watalaam kutoka asasi ya Engine, kampuni ya Menlod pamoja na waheshimiwa Madiwani, wamefanya kikao maalumu ili kupitia mpango kazi wa Halmashauri ya wilaya ya Kyela, jana tarehe 09/07/2019. Kikao hicho kilifanyika katika ukumbi wa Halmashauri yetu.

Akizungumza wakati wa kufungua kikao hicho, mwenyekiti wa kikao ambae ni Mkuu wa wilaya ya Kyela, Mhe. Claudia U. Kitta amesema;

Kikao hiki ni maalumu kwa kutoa ushauri na maoni juu ya uboreshaji wa mkakati wa Halmashauri yetu. Hivyo kila mdau awe huru kutoa nawazo yake ili kuboresha mpango huu. 

Mpango huu una lengo la kuweka sawa maswala ya kilimo, ufugaji, mpango wa matumizi bora ya ardhi, miundo mbinu, haki za kijinsia pamoja na kutuonesha njia ya kufikia uchumi wa kati. 

Aidha katibu wa CCM wilaya ndugu Deogratius Nyanda amesema, pamoja na kutoa maoni ya uboreshaji wa mpango mkakati huu, ila amewataka wananchi wa wilaya ya Kyela, kutembelea ofisi za CCM,  pale wanapokuwa na matatizo, milango ipo wazi masaa yote, lengo ni kusikiliza kero za wananchi. 

Nae Mwenyekiti wa Halmashauri ya wilaya ya Kyela Mhe. Hunter Mwakifuna amewatoa hofu wananchi na kusema mpango mkakati huu umeandaliwa kwa kufuata taratibu na sheria zote za nchi, hivyo wadau watoe maoni yao bila hofu au wasiwasi yoyote. 

Imetokewa na :

Mkurugenzi Mtendaji 

Ofisi Ya Habari Na Mawasiliano 

Kyela.