Huduma Za Elimu

IDARA YA ELIMU MSINGI

Halmashauri ya Wilaya ya Kyela ina jumla ya shule za msingi 105. Kati ya hizo kuna shule za binafsi 2. Shughuli zote za idara zinasimamiwa kupitia vitengo 5 kama ifuatavyo:

• Kitengo cha Taaluma.
• Kitengo cha Vifaa na Takwimu.
• Kitengo cha Elimu ya Watu Wazima.
• Kitengo cha Elimu Maalum
• Kitengo cha Utamaduni na Michezo.

2.1 Idadi ya wanafunzi

Idadi ya wanafunzi wa madarasa ya awali ni 6,448 wakiwemo wavulana 3,320 na wasichana 3,078 kwa shule 103 za Serikali na wanafunzi 81 kwa shule binafsi ambapo kati yao wavulana ni 49 na wasichana 32. Kati ya shule 103 za msingi za Serikali, shule moja ni ya mchepuo wa Kiingereza inayoitwa Nyasa English Medium Primary School.

Idadi ya wanafunzi wa darasa la I – VII ni 48789 ambapo kati yao wavulana ni 24596 na wasichana ni 24193 kwa shule za serikali na wanafunzi 375 wa shule binafsi ambapo kati yao wavulana ni 163 na wasichana ni 212.

Aidha, jumla ya wanafunzi wote kuanzia awali hadi darasa la VII ni 55,237 ambapo wavulana ni 27,966 na wasichana ni 27,271 kwa shule za Serikali.

Hali ya walimu wa shule za msingi hadi 30 Desemba, 2020 ni 896 ambapo wanaume ni 446 na wanawake ni 450. Uwiano wa mwalimu kwa wanafunzi ni 1:62. Hata hivyo Serikali imeajiri walimu 19 katika Halmashauri yetu ambapo wengine wanaendelea kuripoti.

2.2 Watoto wenye mahitaji maalumu

Halmashauri ina shule 2 zenye vitengo vya watoto wenye mahitaji maalum ambavyo ni shule ya msingi Kyela na Mwenge. Vitengo hivi vina jumla ya wanafunzi 68. Pia kuna kitengo cha wanafunzi wenye mahitaji maalum katika shule ya sekondari Kyela chenye wanafunzi 12. Aidha, Halmashauri ina mpango wa kuanzisha vitengo 2 katika shule za msingi Sama na Matema kwa ajili ya watoto wasioona na wenye matatizo ya akili.

Pia kuna vituo vya elimu ya watu wazima vyenye jumla ya wanafunzi 94 na vituo vya MEMKWA 12 vyenye jumla ya wanafunzi 144.

2.3 Hali ya ufaulu wa wanafunzi wa darasa la VII kuanzia 2015 – 2019

Hali ya ufaulu wa wanafunzi wa darasa la VII imekuwa ikipanda kutoka mwaka 2015 hadi 2019 kama jedwali linavyoonesha hapa chini;

Aidha, kutoka mwaka 2006 hadi mwaka 2019 wanafunzi wote waliofaulu walijiunga na kidato cha kwanza.

2.4 Hali halisi ya miundombinu na samani

2.5 Changamoto zinazoikabili idara

• Upungufu wa walimu 427 ikilinganishwa na mahitaji ya walimu1,323. Kwa sasa kuna walimu 896 wa shule za msingi.
• Upungufu wa miundombinu ya vyumba vya madarasa, nyumba za walimu, matundu ya vyoo vya wanafunzi na walimu, madawati, meza na viti unaotokana na ufinyu wa bajeti.

• Wanafunzi kukosa chakula cha mchana shuleni

• IDARA YA USAFI NA MAZINGIRA.

Idara ya usafi wa mazingira inatekeleza majukumu yafuatayo:-

• Kusimamia kampeni ya usafi ya jumamosi mwisho wa mwezi.
• Uzoaji taka ngumu maeneo ya Njisi, Ipinda, Boda na Ngekye.
• Kutoa elimu ya usafi wa Mazingira na ujenzi wa vyoo bora na kufanya ukaguzi katika kaya.
• Kutoa elimu ya usafi wa maingira katika majengo yote ya biashara na kufanya ukaguzi katika Hoteli, nyumba za kulala wageni, migahawa, taasisi za Umma na binafsi.
• Kutoa elimu ya usafi wa mazingira katika maeneo ya mji na vijijini.
• Kutengeneza viunga vya bustani (Land scapping)

CHANGAMOTO.

• Kwa sasa tunagari mbili, ambazo zinatumika kuzoa taka ngumu. Ni magari ya zamani ambayo huaribika mara kwa mara mpaka sasa gari moja limeharibika hivyo kupelekea uzoaji taka kukwama na takataka kurundikana maeneo ya vizimba.
• Katika mji wa Ipinda hakuna mahali pa kutupia takataka (Dampo) na kuna vizimba viwili na vinahitajiwa vizimba 3.
• Mifereji hapa mjini katika barabara nyingi havijajengewa ili kurahisisha usafirishaji wa maji ya mvua (storm water) na badala yake mifereji imeziba wakati wa mvua nyingi.
• Boda eneo la kijiji cha Kilasilo, Halmashauri ilinunua eneo la kutupia takataka (Dampo) bado mpaka sasa halitumiki. Eneo hili lingesaidia kama lingetengenezwa na kuanza kufanya kazi kutokana na mji wa Boda unavyokua.
• Uhaba wa watumishi, kuna watumishi 3, mahitaji ni watumishi 30.
• Ofisi ya Idara ya Usafi wa Mazingira ipo lakini ni mbovu nan i hatari kwa watumiaji.
• Pia hakuna hakuna gari la taka maji (liquid waste truck emptier)
•  IDARA YA ELIMU SEKONDARI

Idara ya Elimu ya Sekondari ina shule 28 zikiwemo shule 22 za serikali na shule 6 za binafsi. Idara ina jumla wanafunzi 15580 kwa shule za serikali na jumla ya walimu 678.

Idara ya Elimu Sekondari inayo jumla ya watumishi sita wa makao makuu ya Halmashauri ambao ni Afisa Elimu Sekondari, Afisa Elimu vifaa na Takwimu, Afisa elimu Taaluma Sekondari, Mtunza kumbukumbu za ofisi, Dereva na Mhudumu wa Ofisi.

Idara inatekeleza majukumu yafuatayo;

Kusimamia sera na miongozo inayotolewa na Serikali kuhusu elimu ya sekondari ndani ya wilaya.

Kusimamia, kuratibu na kufuatilia shughuli za ujenzi wa miundombinu katika shule za sekondari kama vile nyumba za walimu, madarasa, majengo ya utawala, maabara, makitaba na vyoo.

Kusimamia na kuratibu shughuli zote za ukusanyaji, uchambuzi na kutafsiri takwimu za Idara ya elimu sekondari na kuwasilisha sehemu husika.

Kusimamia na kuhakikisha kuwa wanafunzi wanapata taaluma kwa kiwango kilicho bora kwa mujibu wa Sera ya Elimu ya mwaka 1995 na 20014.

Kusimamia na kuhakikisha nidhamu ya wanafunzi, walimu na watumishi wasio walimu inadumishwa shuleni.

Kuandaa mpango na maksio ya bajeti ya idara ya Elimu ya Elimu Sekondari kila mwaka.

4.1 MIUNDOMBINU

Baadhi ya shule zimefika ukomo wa kuongeza madarasa kwa kuwa zimekuwa na idadi kubwa ya wanafunzi. Ufumbuzi ni kujenga shule mpya katika maeneo ambayo shule zake zimejaa mfano Kyela mjini idadi kubwa ya wanafunzi wanahitimu kila mwaka na kuwapeleka katika kata za pembezoni.

Kwa kuzingatia hilo idara imeandika andiko juu ya ujenzi wa zaidi ya vyumba 87 katika shule zilizopo na ujenzi wa shule mbili(2) mpya unaendelea katika kata za Busale na Njisi. Aidha, Ujenzi katika kata ya Busale unaendelea vizuri wakati kwa kata ya Njisi kasi sio nzuri.

Mpango mwengine ni ujenzi wa shule za Hosteli kwa ajili ya wasichana,  kwa kuanzia tulitenga shule ya Nyasa kwa kupeleka wanafunzi waliofaulu vizuri zaidi katika ngazi ya wilaya, tumepeleka wanafunzi kwa miaka 2 lakini kwa mwaka huu tumeshindwa kutokana na kukosekana kwa bweni.

Uhitaji wa huduma hii ni mkubwa kwani wazazi wengi wilayani Kyela wamekuwa wanahangaika kupeleka watoto katika wilaya za jirani kwenye hosteli.

4.2 UFAULU 

Ufaulu wa wanafunzi kwa ngazi ya Halmashauri umekuwa ukiongezaka ingawa tukilinganisha na Halmashauri zingine bado tunahitaji kuongeza nguvu zaidi.

Ufaulu Kidato cha Nne

Ufaulu Kidato cha Sita

4.3 MIKAKATI

Ujenzi wa hosteli na kuzitumia

Uchangiaji wa chakula cha mchana ili watoto wapewe muda wa ziada

Makambi kwa wanafunzi wa madarasa ya mitihani

Aidha, mbinu hizi zimeonesha kutoa matunda kwani tuna shule za mfano ambazo zimeonesha matokeo haya.

 Matokeo ya mwaka 2019 shule yetu ya Masukila Sekondari imeingia katika Shule kumi bora kitaifa kwa kushika namba ya 5 ikiwa ni shule pekee kwa mkoa wa Mbeya kwa Shule za Serikali