MKURUGENZI MTENDAJI ADV. FLORAH A. LUHALA AONGOZA KIKAO CHA TATHMINI YA MAPATO YA HALMASHAURI KWA MWAKA WA FEDHA 2024/2025

Imewekwa Kwenye: September 30th, 2025

Mkurugenzi Mtendaji wa Halmashauri ya Wilaya ya Kyela Adv.Florah A. Luhala ameongoza kikao cha tathimini ya ukusanyaji wa mapato ya Halmashauri kwa mwaka wa fedha 2024-2025.

Kikao hicho kimefanyika katika ukumbi wa mikutano wa Halmashauri tarehe 30.9.2025 ikiwa ni kwa lengo la  kuboresha na kuongeza nguvu katika zoezi zima la ukusanyaji wa mapato ndani ya Halmashauri ya Wilaya ya Kyela.

Adv. Luhala amewataka Watendaji kata kusimamia vyanzo vya mapato vilivyopo kwenye kata zao na kuwataka kuwasimamia vizuri mawakala ili waweze kutuma fedha kwa wakati na kusomeka kwenye mfumo wa mapato (TAUSI) kwani fedha hizo zinatumika kwenye miradi ya maendeleo.

kuelekea katika mapokezi ya Mwenge wa uhuru unaotarajiwa kukimbizwa tarehe 11.10. 2025 Mkurugenzi amewataka viongozi ngazi ya Kata na Vijiji kuhamasisha Wananchi kwenye maeneo yao wajitokeze  kwa wingi kuupokea Mwenge wa Uhuru.