MILIONI 570 ZATOLEWA KWA VIKUNDI VYA VIJANA, WANAWAKE PAMOJA NA WATU WENYE ULEMAVU

Imewekwa Kwenye: January 7th, 2026

Mbunge wa Jimbo la Kyela Mhe. Baraka Ulimboka Mwamengo amekabidhi hundi ya mfano ya Tsh. 570,400,000/= kwa vikundi 68 vilivyonufaika na mikopo ya 10% inaoyotolewa kwa Wanawake,Vijana ,na watu wenye ulemavu.

Akikabidhi hundi hiyo tarehe 8.1.2026 katika ukumbi wa Sisita Mhe. Baraka Mwamengo ameishukuru Serikali ya Jamhuri ya Muungano wa Tanzania kwa  kutoa mikopo ya 10%  inaoyotolewa bila riba kwa lengo la kuinua uchumi wa Wananchi.

Mhe.Mbunge amevitaka vikundi vilivyonufaika na mikopo hiyo kutumia pesa hizo kiuhalali kwa kufanya shughuli zilizo rasmi  ili waweze kukuza mitaji na  kuinua uchumi wa Taifa.

Akimuwakilisha Mkurugenzi Mtendaji wa Halmashauri Ndg.Keneth Nzilano amesema Halmashauri inaendelea  na jitihada ya ukusanyaji mzuri wa mapato  ili iendelee kutoa mikopo itakayowanufaisha   Wananchi.

Kwa upande wao wanufaika wa mikopo hiyo wamemshukuru Rais wa Jamhuri ya Muungano wa Tanzania Dkt.Samia Suluhu Hassan  kwa kuwapa mikopo itakayoenda kuboresha na kubadilisha maisha kwa kufanya shughuli zitakazowaingizia kipato.