Kamati Ya Siasa Ya Chama Cha Mapinduzi (CCM) yatembelea Miradi Ya Maendeleo Kabla Ya Maazimisho Ya Kuzaliwa Kwa Chama Hicho

Posted on: February 10th, 2020

Kamati ya chama tawala Chama Cha Mapinduzi(CCM), kikiongozwa na katibu wake wa chama Mhe. Lukas Nyanda, kimefanya ziara kwa siku mbili (2) kabla ya maazimisho ya kuzaliwa kwa chama hicho siku ya tarehe 08/02/2020.

Wanakamati hao walianza ziara yao siku ya tarehe 06-07/2020, ambapo walihitimusha ziara hiyo siku ya jumamosi tarehe 08/02/2020 kwa kufanya mkutatano wa hadhara katika kata ya Ipinda wilayani Kyela. 

Kamati hiyo ya siasa iliweza kutembelea mradi wa vyumba vya madarasa katika shule ya msingi Uhuru, shule ya msingi Mbugani pamoja na shule ya sekondari Nyasalakeshore, si hiyo tu bali kamati iliweza kutembelea utengenezaji wa meli ya abiria katika bandari ya Kiwira, pamoja na ujenzi wa kituo cha kibiashara cha pamoja yaani One Stop Border Post kituo kinachojengwa mpakani mwa Tanzania na Malawi, kata ya Njisi hapa wilayani Kyela.

ujenzi wa kituo cha biashara cha pamoja One Stop Border Post, kituo ambacho hadi kumalizika kwakwe kitatumia zaidi ya shilingi bilioni 26 fedha za wananchi ambapo kitatumika na nchi mbili yaani nchi ya Malawi na Tanzania. 

Aidha kamati ya siasa iliweza kufanya ukaguzi wa vyumba vya madarasa vinavyojengwa katika shule ya msingi Uhuru na Mbugani, na kutoa maagizo kwa Mkurugenzi Mtendaji, kukarabati vyumba vya madarasa katika shule ya msingi Mbugani ili yaweze kufanana na yale ya shule ya msingi Uhuru. 

ujenzi wa vyumba vitatu vya madarasa katika shule ya msingi Uhuru. 

Ujenzi wa vyumba vinne 4 vya madarasa katika shule ya msingi Mbugani. 

Kamati ya siasa haikuishia hapo kwani iliweza kutembelea ujenzi wa mabweni ya kisasa na katika shule ya sekondari Kafundo ambapo yatakuwa na uwezo wa kubeba wanagunzi zaidi ya 300.

Mwisho waheshimiwa walitoa pongezi nyingi kwa mwenyekiti wao wa chama taifa Mhe. John Joseph Pombe Magufuli, kwa kuipendelea wilaya ya Kyela kwa kutekeleza miradi mikubwa na ya gharama, kwa lengo moja tu la kuwatoa wananchi kutoka hali ya kimaskini hadikufikia maisha ya kati. 

Ujenzi wa mabweni mawili ya kisasa katika shule ya sekondari Ndobo, iliyopo katika kata ya Ipinda wilayani Kyela.