DC MANASE AENDELEA NA ZIARA YA KUSIKILIZA NA KUTATUA KERO ZA WANANCHII

Imewekwa Kwenye: August 13th, 2025

Mkuu wa Wilaya ya Kyela Mhe.Josephine Manase  ameendelea na ziara yake ya kusikiliza na kutatua kero mbalimbali za Wananchi wa Kata ya Lusungo Kijiji cha Kikuba tarehe 13.8.2025.

Akitatua changamoto inayotokana na kukosekana kwa mawasiliano ya barabara kipindi cha mafuriko Mhe.Manase amemtaka Mtendaji wa Kata ya Lusungokufufua na kuendeleza kamati za maafa na kuzitambulisha kwa Wananchi ili ziweze kutoa huduma za haraka ikiwemo kutambua kaya ambazo zimepatwa na maafa endapo yakitokea.

Mhe.Manase  amewapongeza wananchi wa Kikuba kwa  kuunga mkono suala la  uchangiaji wa chakula shuleni  na amewataka Wazazi waliyokwenye kamati ya chakula kulinda na kusimamia taratibu zote za utoaji  wa chakula.

Aidha Mkuu wa Wilaya amemuagiza Mkurugenzi kupitia idara ya Maendeleo ya jamii kutoa Elimu kwa Wananchi wa Kijiji cha Kikuba  kuhusiana na mkopo wa 10% unaotolewa bila riba kwa Wanawake Vijana na watu wenye ulemavu ili waweze kujua kanuni sheria na taratibu za kupata mkopo utakaowanufaisha na kuwainulia kipato chao.

Kuelekea katika kipindi cha Uchaguzi Mhe. Manase amewataka Wananchi wa Kikuba  kujiepusha navitendo vya  rushwa pamoja na matendo yoyote yatakayochochea vurugu zitakazosababisha uvunjifu wa amani kwenye jamii.