KYELA YAADHIMISHA SIKU YA UKIMWI DUNIANI

Imewekwa Kwenye: November 28th, 2025

Mkuu wa Wilaya ya Kyela Mhe.Josephine Manase ameongoza maadhimisho ya siku ya UKIMWI duniani katika Kata ya Bujonde tarehe 28.11.2025.

Akizungumza katika maadhimisho hayo  Mhe.Josephine Manase amesema maadhimisho haya yana lengo la kutoa ujumbe na Elimu kwa Wananchi ili kupunguza kasi ya maambukizi mapya ya virusi vya Ukimwi.

Pia Mhe.Manase  amesema anafahamu kuwa kamati za kudhibiti Ukimwi ngazi ya Wilaya kata na Vijiji zinafanya kazi ipasavyo  hivyo ametoa wito kwa kamati hizo kuimarisha  huduma na kuhakikisha zinawafikia Wananchi ili waweze kukabilina na janga hili.

Mkuu wa Wilaya  amewataka watoa huduma za afya kutoa elimu Shuleni pia  amewaasa Wazazi kutoa elimu kwa watoto wao juu ya  athari ya ugonjwa wa ukimwi ili waweze kutambua na kulinda afya zao

Aidha Mhe. Manase ametoa msisitizo kwa  Wananchi kutokua na mtazamo hasi juu ya ugonjwa wa Ukimwi pia amewataka Wananchi kujenga utaratibu wa kupima ili kujua afya zao na kuchukua tahadhari ya kujikinga zaidi.

Kauli mbiu "Shinda vikwazo,imarisha mwitikio tokomeza ukimwi."