MAMLAKA YA MJI MDOGO YAKUSANYA MILIONI 400 KWA KIPINDI CHA ROBO YA TATU

Imewekwa Kwenye: June 2nd, 2025

Mwenyekiti wa Mamlaka ya Mji mdogo wa Kyela Mhe.Emmanuel Bongo ameongoza  mkutano wa  Baraza kwa kipindi cha robo ya tatu katika ukumbi wa Mamlaka tarehe 2.6.2025.

Akizungumza kwa niaba ya Mkuu wa Wilaya,Bi. Sabrina Hamoud  amemshukuru Mwenyekiti pamoja na Wajumbe wa Mamlaka kwa ushirikiano mzuri na Ofisi ya Mkuu wa Wilaya katika masuala mbalimbali yanayohusu maendeleo

Mhe.Bongo amesema kwa kipindi cha robo ya  tatu Mamlaka imefanikiwa kukusanya  jumla ya Tsh. Milioni 447,086,500.00 sawa na 75.11% ya makisio ya mwaka 2024/2025.

Aidha Mwenyekiti ameendelea kwa kusema  kipindi cha robo ya tatu Mamlaka  imefanikiwa kutoa Tsh. Millioni 44,708,650.00 sawa na 75.81% ya bajeti za 10% kwa ajili ya Wanawake,Vijana na watu wenye ulemavu.

Sambamba na hayo Mwenyekiti amesema katika kipindi cha robo ya tatu Mamlaka inatekeleza mradi wa jengo la kupumzikia abiria,pamoja na ujenzi wa zahanati ya Nkuyu.

Aidha Mhe.Mwenyekiti amempongeza Mtendaji Mkuu wa Mamlaka na Wataalamu wa Mamlaka ya Mji Mdogo wa Kyela kwa jitihada kubwa ya ukusanyaji wa mapato na utendaji kazi katika idara zao.