MASHINDANO YA UMITASHUMTA NGAZI YA WILAYA YAZINDULIWA RASMI WILAYANI KYELA

Imewekwa Kwenye: February 15th, 2025

Kaimu Mkurugenzi wa Halmashauri ya Wilaya ya Kyela Ndg. Keneth Nzilano amefungua mashindano ya  UMITASHUMTA kwa  ngazi ya Wilaya yaliofanyika katika viwanja vya Kipija Alena tarehe15.2.2025.

Akifungua mashindano hayo Kaimu Mkurugenzi amewapongeza Walimu wa shule zote za msingi kwa kuandaa timu zitakazoweza kushiriki mashindano hayo.

Aidha Kaimu Mkurugenzi amewasihi wanafunzi kufuata maelekezo wanayopewa na walimu wao ili waweze kuwa wachezaji wazuri na waweze kufika ngazi ya Mkoa na Taifa.

Vilevile mdhamini wa Mashindano hayo Ndg. Godlove Mwakibete amewataka Wanafunzi hao kuzingatia Masomo wanayofundishwa na Walimu Shuleni na kuamini katika Vipaji walivyonavyo.

Kwa upande wake Afisa Michezo  Wilaya ya Kyela Ndg. Zephaniah Jumbe amesema mashindano hayo yatasaidia kupata timu bora itakayoenda kushiriki mashindano ya UMITASHUMTA ngazi ya Mkoa.