Mawakala Wa Vyama Vya Kisiasa Waapishwa Kyela Kwa Uchaguzi Wa 28th Octoba 2020

Imewekwa Kwenye: October 22nd, 2020

Baadhi ya mawakala wa vyama wakiapishwa mbele ya Afisa Uchaguzi wa jimbo la Kyela ndugu, Ezekiel Magehema jana tarehe 21octoba 2020. 

Msimamizi wa uchaguzi Jimbo la Kyela Ndugu Ezekiel Magehema jana  Jumatano tarehe 21/10/2020 amewaapisha mawakala wa vyama vya siasa vitakavyoshiriki katika Uchaguzi Mkuu wa Rais, Wabunge na Madiwani unaotarajiwa kufanyika tarehe 28 Octoba 2020.

Akiwaapisha mawakala hao, Ndugu Ezekiel Magehema amewataka mawakala kutunza siri wakati wote wa zoezi  la uchaguzi na kufuata taratibu sheria na miongozo ya Tume ya Taifa ya Uchaguzi, kwa kuwa  wao ndio wamebeba jukumu kubwa la kuhakikisha zoezi zima la uchaguzi linafanyika kwa utulivu  na amani.

Aidha amesema, kila wakala atambue kuwa kila mmoja anandugu kutoka katika vyama tofauti hivyo ni vyema kuitunza amani hii tuliyonayo "Kuna maisha kabla ya uchaguzi, katika uchaguzi na baada ya uchaguzi" alisema.

Mawakala walioapishwa jana ndio watakaoruhusiwa kuingia katika vyumba vya kupigia kura, ili kujihakikishia haki inavyotendeka katika zoezi zima la upigaji kura. ili kuwawezesha mawakala kuwa na uwelewa katika zoezi hili, Tume ya Taifa ya Uchaguzi imewapa vitabu vitakavyowasaidia kufahamu mambo, taratibu mbalimbali za kiuchaguzi.

Jimbo la Kyela linavyama vinne (4) vitakavyoshiriki katika uchaguzi Octoba 2020, katika nafasi ya  Urais, Ubunge na Udiwani. Vyama hivyo ni Chama Cha Mapinduzi (CCM), CHADEMA, CUF pamoja na NCCR mageuzi.