Ninawashukuru GIZ Kwa kutuletea Vifaa Vya Mfumo Wa GoTHOMIS Vitakavyotumika Katika Kituo Cha Afya Ipinda-Ezekiel H Magehema

Imewekwa Kwenye: October 5th, 2021

Haya yamezungumzwa leo tarehe 05/10/2021 na Mkurugenzi Mtendaji wa halmashauri ya wilaya ya Kyela ndugu Ezekiel H. Magehema alipokuwa akipokea vifaa vya mifumo ya hospitali, kutoa katika shirika la wakala wa Kijerumani  (GIZ).

Akipokea vifaa hivyo ambavyo ni tablet 4, komputa "desktop" 8, Data Cabinet 32u moja, Ups APC 1200VA nane, apc smart 2200VA UPS moja, komputa mpakato Vestro 300-400, sever 1, Ndugu Ezekiel Magehema amesema;

Vifaa hivi vitasaidia kuboresha utoaji wa huduma za afya, katika kituo cha Afya ipinda kwani vifaa hivyo ni msaada mkubwa katika kituo chetu cha afya. Pia aliwaomba viongozi hao kuzidi kuisemea halmashauri ya wilaya ya Kyela, katika shirika la GIZ hasa pale wanapopata nafasi, kwani halmashauri ya wilaya ya Kyela ilituma maombi ya vifaa vya mifumo, vitakavyotegemewa kufungwa katika jengo jipya linalojengwa katika hospitali ya wilaya. 

GIZ ni shirika la wakala wa Kijerumani wa ushirikiano wa kimataifa una ofisi ndani ya Ujerumani na katika mataifa mengi duniani, likiwa na uzoefu wa zaidi ya miaka 50 ya utuoaji huduma katika nyanja kadhaa, ikiwa ni pamoja na maendeleo ya kiuchumi na ajira, nishati na mazingira, na amani na usalama. Dira yake ni: "Tunafanya kazi kuunda mustakabali wa maiasha bora".