Mwenyekiti Wa Halmashauri Afanya Ziara Ya Ukaguzi Wa Ujenzi Wa Wodi Ya Mama Na Mtoto

Imewekwa Kwenye: December 31st, 2021

Mwenyekiti wa halmashauri ya wilaya ya Kyela Mheshimiwa Katule G. Kingamkono amefanya ziara ya kukagua mradi wa ujenzi wa wodi ya mama na mtoto tarehe 30/11/2021, katika hospitali ya wilaya ya Kyela.

Mheshimiwa Katule G. Kingamkono Mwenyekiti wa Halmashauri ya wilaya ya Kyela,(shati drafti) akiwa na wananchi na viongozi wengine katika mradi wa ujenzi wa wodi ya mama na mtoto.

Akizungumza na baadhi ya wananchi walioungana nae katika zoezi la kukagua mradi huo, Mheshimiwa Mwenyekiti amempongeza  Mkurugenzi Mtendaji wa halmashauri ndugu Ezekiel H. Magehema , kwa upendo wake wa dhati katika kusimamia miradi ya maendeleo katika wilaya ya Kyela.

Aidha alisema, "Matamanio ya wanaKyela ni kuona jengo hilo linakamilika ifikapo Januari 2022" kwani kwa kufanya hivyo wananchi hao watatambua thamani yao ya nguvu kazi na fedha walizochangia kwa ujenzi huo.

Nae Mkurugenzi Mtendaji wa halmashauri amesema, pongezi nyingi ziende kwa wananchi wa Kyela waliokuwa wakihudhuria vikao vya kisheria, na hata kukubaliana kujenga jengo la ghorofa, ili kuepuka kutumia eneo kubwa na kuifanya Kyela kuwa ya kisasa zaidi.

Mwisho Mheshimiwa Mwenyekiti aliwapongeza watalaam wote walioshiriki hadi kuufikisha mradi hatua uliopo, na amewaomba kuanza mapema hatua inayofuata kwa ujenzi.