RUWASA Kyela Yapokea Tena Rora 67 Na Mabomba 80 Kwa Miradi Ya Maji

Imewekwa Kwenye: June 28th, 2021

Katibu wa Mbunge ndugu Edger Mlaghila akishirikiana na Meneja wa RUWASA Eng. Tanu Deule wamepokea rola 67 na mabomba 80 leo tarehe 28/06/2021, mabomba haya yameletwa kwa lengo la kumalizia mradi wa maji wa kata ya Mababu katika kijiji cha Kilombero.

Akiongea baada ya mapokezi ya mabomba hayo, katibu wa Mheshimiwa mbunge amewaomba wananchi kupokea vizuri miradi hii ya maji ambayo inatekelezwa kwa wakati huu. Pia amesema, kazi  za maendeleo zinahitaji nguvu kazi, hivyo popote miradi hii inakopita ni vema wananchi tukajitokeza ili kushiriki  shughuli mbalimbali katika miradi hiyo.

 Aidha amesema serikali imekuwa na kasi kubwa sana ya utekelezaji wa miradi ya maji katika wilaya yetu, na kwa kuwa wilaya ya Kyela imekuwa na tatizo la maji kwa mda mrefu, anaamini sasa tatizo hili linakwenda kwisha. 

Pia katibu huyo wa mbunge ameishukuru sana serikali ya Jamuhuri ya Muungano wa Tanzania kwa kuwekeza fedha nyingi za miradi ya maji katika wilaya yetu, Pia amepongeza ushirikiano mkubwa uliopo baina ya ofisi ya Mbunge, Mkuu wa wilaya, pamoja na Ofisi ya mkurugenzi, kwani ushirikiano huu ndio unaoleta maendeleo haya tunayoyaona leo.

Nae meneja wa RUWASA  amekili kupokea mabomba hayo , na kuwata wananchi kutambua kuwa, serikali yao inawajari sana na hivyo kuwataka kuwa walinzi wa miradi yote ambayo inakweda kutekelezwa hapa wilani.

"RUWASA MAJI BOMBANI"