Sherehe Za Maazimisho Ya Kuzaliwa Kwa Chama Cha Mapinduzi Mkoa Wa Mbeya Zafanyika Wilayani Kyela

Imewekwa Kwenye: February 5th, 2021

Maazimisho ya sherehe za kuzaliwa kwa Chama Cha Mapinduzi (CCM) katika mkoa wa Mbeya yamefanyika katika wilaya ya Kyela tarehe 4/02/2021, maazimisho haya yamefanyika katika viwanja vya Kapunga vilivyopo katika kata ya Njisi  wilayani Kyela huku yakihudhuriwa na viongozi wakubwa wa serikali na chama.

Katika maazimisho hayo, viongozi walianza kwa kutembelea miradi ya maendeleo ikiwemo miradi ya ujenzi wa shule mpya za sekondari zinajengwa katika Kata ya Busale na Kata ya Njisi, ujenzi wa hodi ya wazazi katika hospitari ya wilala na ujenzi wa kituo cha pamoja cha usafirishaji kinachojengwa katika kata ya Nijsi.

Akizungumza wakati wa maadhimisho hayo  mgeni rasmi wa sherehe hizo mheshimiwa Phillip Mangula amesema; 

Angependa wanafunzi wapate chakula shuleni pia wanaKyela wqjenge hosteri katika shule mbalimbali ili kuwasaidia watoto wanaotoka mbali, sababu wanafunzi wakikaa hosteri wanakuwa na uwezo wa kusoma kwa pamoja, wanafanya mazoezi na akili zao zinachangamka kwa haraka sana.

Aidha mkuu wa mkoa wa Mbeya Mhe. albert Chalamila amsema, 

Mkoa wa Mbeya tulikuwa tunadaiwa madarasa 142, ili kukamilisha upungufu wa madarasa mkoani kwetu ila hadi sasa tumejenga madarasa 105, Pia alisema wilaya ya Kyela haijafanya vizuri katika swala zima la elimu, kwa matokeo ya sasa na hii imesababishwa na wazazi wa Kyela kutokukubali kupeleka huduma ya chakula shuleni ili watoto wao wapate chakula wakiwa shule, alisema wanakyela tambueni kuwa chakula kwa watoto wa shule si  mchango bali ni huduma kwa mototo wako.

Katika swala la barabara amesema bajeti ya ujenzi wa barabara ya Kyela ipo na si mda barabara hiyo itaanza kujengwa hivyo, mhe. Mbunge aondoe hofu ya barabara.

Mwisho Mhe.Mbunge wa Kyela  Ally J. Kinanase alisema tusipoitetea  wilaya yetu ya Kyela hakuna atakaekuja kututetea na hatutakuwa na maendeleo kamwe, Pia alimesema Tanzania tumepata bahati ya kupata kiongozi imara ambae ameweza kuiambia dunia kuwa, Tanzania inaongozwa na Mungu. Hivyo tuzidi kumuombea afya njema Rais wetu,  Nasi kama wasaidizi wake tumeanza kuhakikisha Kyela inapata maji na anaamini kuwa mwakani serikali itatenga kwa ajiri ya kutoa maji ziwa Nyasa.

Wananchi watambue kuwa tarehe 20/02/2021 mradi mkubwa wa maji unaanza kutekelezwa ili kuweza kupata maji ya uhakika hapa wilayani Kyela, Barabara kutokwa katumba songwe hadi ileje inaenda kutengewa bajeti mwaka huu, na alitoa pongezi kwa kampuni ya BIOLAND na KIM’S chocolate kwa kuisaida wilaya yetu katika ujenzi na ukarabati wa shule zetu.

Imetolewa na;

Ofisi ya Habari na Mawasiliano

Kyela.