TAARIFA YA UTOAJI MKOPO WA TSH 816,831,820 KWA VIKUNDI VYA WANAWAKE, VIJANA NA WATU WENYE ULEMAVU NA MAREJESHO YA MKOPO KUANZIA MWAKA 2025 HADI 2026

Imewekwa Kwenye: February 13th, 2025

Halmashauri ya kyela imeweza kutoa mkopo wa Tsh 1,457,343,755 kwa kipindi cha miaka 8 kuanzia 2015/2016 hadi 2022/2023 na kati ya mkopo huo kiasi cha Tsh.1,046,548,000 zimeweza kurudishwa na kiasi cha Tsh 410,795,75. Bado hakijarejeshwa kutokana sababu mbalimbali ikiwemo vikundi kusambaratika na wakopaji wengine kukimbia ndani ya wilaya na wengine wanaendelea kufuatilia ili waweze kurejesha fedha hizo ili wakopeshwe wengine.

Hata hivyo utakumbuka mikopo ilisimamishwa na Mhe,Waziri Mkuu na imerejeshwa tena mwaka 2024 ili kuandaa utaratibu mpya wa utoaji mikopo ambao ulikamilika na dirisha kufunguliwa Oktoba 2024

ili kutoa mikopo ambayo itarejeshwa Idara kwa kushirikiana na wawezeshaji kutoka Idara ya fedha na kitengo cha Tehama walitoa maelekezo na uundaji wa kamati mbalimbali kwa kufuata mwongozo mpya ambazo ni;-

• Kamati ya Huduma za mikopo ngazi ya Kata
• Kamati ya Huduma ya mikopo ngazi ya Halmashauri
• Kamati ya Uhakiki wa Mikopo ngazi ya Wilaya
• Kamati ya Wataalamu CMT

Kamati hizi zilipewa mafunzo ya namna ya kutekeleza majukumu yao na kuhakikisha wanayasimamia na kamati zote na wataalamu wa idara ya Maendeleo ya jamii waliapishwa na Mhe. Hakimu kama mwongozo unavyoelekeza.

UTOAJI MKOPO KWA ROBO YA PILI OKTOBA-DISEMBA,2025

Mkurugenzi Mtendaji alitangaza uwepo a fedha Tsh 991,664,777.00 kwa ajili ya mikopo kwa makundi tajwa hapo juu, ambapo Idara ilianza uhamasishaji kupitia redio za kijamii mikutano ya hadhara na wadau mbalimbali ambapo mpaka Disemba 2024 Halmashauri imepokea maombi ya Tsh. 3,178,066,100.00 yenye vikundi 165 ambapo vikundi vya wanawake 87 navikundi vya vijana 72 ukiacha vikundi vilivyoomba Januari na Februari, Mchakato wa kutoa mkopo umefanyika kwa kuanza kutoa mafunzo ya siku 4 kwa vikundi vyote vilivyoomba. Tulipokea mapendekezo kutoka kata na kamati husika zikapitia na kuhakiki uwepo wa vikundi, hivyo halmashauri yetu mpaka sasa hawa ndio wakopaji na hakuna kikundi hewa.Tunaleta mkopo wa Tsh 816,831,820 ili zikopeshwe vikundi vya Wanawake, vijana na watu wenye ulemavu. Vijana wanakopeshwa Tsh. 396,665,910 na vikundi vya wanawake Tshs.396,665,910 na Watu wenye ulemavu  Tshs.23,500,000. Kwa vikundi ambapo walitengewa 198,332,955.40 kiasi cha Tsh.172,332,955.Ambazo wakopaji hawajapatikana wenye ulemavu zitakopeshwa robo ijayo kwa vikundi vya wanawake,vijana na watu wenye ulemavu.

CHANGAMOTO

• Uwingi wa maombi kuzidi uwezo wa Halmashauri
• Vikundi vya zamani kutorejesha fedha ili wengine wakopeshwe
• Malalamiko kutoka kwa waombaji kukosa mkopo
• Malalamiko ya vikundi kuwa vimepunguziwa maombi yao

SHUKRANI

• Mhe. DC kwa kazi nzuri ya kusimamia ili kufanikisha mikopo hii
• Mhe. Mbunge kusimamia bega kwa bega na halmashauri na wakopaji
• Katibu tawala Wilaya na kamati yake
• Mhe. Mwenyekiti wa Halmashauri kuhakikisha fedha zinatengwa na kusimamia vikundi kurejesha
• Mkurugenzi kwa kusimamia na kuhakikisha anatoa fedha kwa ajili ya vikundi
• Mwenyekiti wa kamati ya mikopo ngazi ya Halmashauri na kamati yake
• Watendaji wa kata na kamati  ngazi ya kata
• Maafisa maendeleo ya jamii
• Maafisa kilimo na Maafisa mifugo
• Waandishi wa Habari na wananchi wote wa Kyela vikiwemo vikundi.