Tuachane Na Tofauti Zetu Zilizojitokeza,ili Tupate Maendeleo-Dr.Hunter Mwakifuna

Imewekwa Kwenye: July 4th, 2019

Haya yamezungumzwa na Mwenyekiti wa Halmashauri ya wilaya ya Kyela Mhe. Dr. Hunter Mwakifuna, alipokuwa akitoa hotuba yake ya ufunguzi wa kikao cha baraza maalum la waheshimiwa Madiwani, kilichifanyika katika ukumbi wa Halmashauri ya wilaya ya Kyela jana tarehe 03/07/2019.

Mwenyekiti wa Halmashauri ya wilaya ya Kyela, amelazimika kuitisha baraza maalumu la Madiwani , ili kuongea na Madiwani wote pamoja na wataalamu, kuhusiana na kurudisha hali ya utulivu katika Halmashauri yetu.

Aidha amesema, Halmashauri yetu haikuwa na utulivu kwa muda kidogo, kwa sababu za kutoelewana baina ya viongozi, ila hadi kufikia sasa hali hiyo imekwisha na hivyo, wataalam wa Halmashauri pamoja na waheshimiwa Madiwani ni muda wa kuondoa tofauti zao, ili kuleta maendeleo ya wilaya yetu. 

Hata hivyo amesema, serikali ya awamu ya tano ina upendo mkubwa na wilaya yetu, na ndio maana tunaona ujenzi wa miundo mbinu unaendelea kila mahala. Na serikali yetu imeahidi Kujenga barabara kwa kiwango cha lami kutoka Ikulu ndogo ya  wilaya hadi njia panda ya kapwili. 

Wilaya ya Kyela ilikuwa katika mgogoro kwa kipindi kifupi, mgogoro uliokuwa ukihusiana na maswala ya kiutendaji baina ya viongozi. 

Mgogoro huo umeisha kwa sasa, hivyo watumishi pamoja na waheshimiwa Madiwani, wamehimizwa kuungana na kuondoa makundi yote ili kuleta maendeleo ya wilaya ya Kyela. 

Imetolewa na:

Ofisi ya Mkurugenzi Mtendaji 

Habari na Mawasiliano 

Kyela.