Mhe. Mkuu Wa Wilaya Ya Kyela Aongea na Waganga wa Tiba Asili, Jadi Na Vyombo Vya Habari

Imewekwa Kwenye: June 29th, 2024

Mkuu wa wilaya ya Kyela Mhe.Josephine Manase, amefanya kikao cha waganga wa  tiba asili, jadi na vyombo vya habari, katika ukumbi wa mikutano wa Halmashauri tarehe 28/6/2024.

Akizungumza  na waganga wa tiba asili na jadi Mhe. Mkuu wa wilaya amesema, serikali ya awamu ya sita  inayoongozwa na Rais wa Jamhuri ya Muungano wa Tanzania Dkt. Samia Suluhu Hassan inatambua mchango wa waganga wa tiba asili na jadi katika jamii, hivyo amewaomba kuwa na ushirikiano na viongozi  wa serikali, ili wafanye kazi kwa kufuata sheria na miongozo waliojiwekea.

Mhe. Mkuu wa wilaya amekemea mila chonganishi, vitendo vya ukatili kwa baadhi ya waganga wa tiba asili na jadi kuwadanganya wateja wao kuwa viungo vya binadamu vinaleta nyota au vinaleta utajiri.

Aidha  Mhe. Mkuu wa wilaya ameomba  viongozi wa chama cha waganga wa tiba asili na jadi kuwasisitiza wanachama wao  kufuata sheria na  utaratibu wa kupata  vibali na barua  kutoka kwa Mkurugenzi Mtendaji wa halmashauri, vibali vitakavyowawezesha kutambulika  rasmi na serikali.

Vilevile Mhe. Mkuu wa wilaya amewataka  Watendaji wa kata  na viongozi wa  vijiji, kuwa na orodha maalumu ya waganga wa  tiba za asili na jadi, pia kujua mahali wanaopatikana katika kata zao ili kutoa huduma halali kwa wananchi.