Waheshimiwa Madiwani Kutoka Wilaya Ya Malinyi Mkoani Morogoro Wajifunza Njia Za Ukusanyaji Wa Mapato Wilayani Kyela

Imewekwa Kwenye: May 27th, 2024

Madiwani kutoka Halmashauri ya wilaya ya Malinyi Mkoani Morogoro wamefanya ziara tarehe 24.05.2024 wilayani Kyela, kwa lengo la kujifunza ukusanyaji wa mapato pamoja na uzalishaji wa zao la kakao katika Halmashauri ya wilaya ya Kyela.

2023/2024 Halmashauri ya wilaya ya Kyela makisio ya bajeti yalikua  ni bil 4.8 lakini makusanyo halisi hadi mwezi Mei 2024 ni zaidi ya bil 5 sawa na asilimia 109,  ambapo zao la kakao  limechangia kwa kiasi kikubwa kuongezeka  kwa  ukusanyaji wa mapato.

Madiwani hao kutoka wilaya ya Malinyi Mkoani Morogoro, wamepata fursa ya kujifunza kuhusu usindikaji wa zao la kakao hatua hatua mpaka kufikia hatua ya mauzo.

Akizungumza na Waheshimiwa hao, Kaimu Afisa Kilimo wa halmashauri ya wilaya ya Kyela Ndugu Pantaleo Mushi, amewaelekeza hatua kwa hatua katika uandaaji wa vitalu vya miche ya kakao na vitu muhimu vinavyohitajika katika uzalishaji wa miche hiyo.

Mwisho Kaimu Mkurugenzi wa Halmashauri ya wilaya ya Malinyi Ndugu Gasto Silayo, amewashukuru viongozi na watumishi wa Halmashauri ya wilaya ya Kyela kwa mapokezi mazuri.