WALIMU WAKUU,WALIMU WA MANUNUZI, WAKUU WA SHULE,WATENDAJI WA KATA NA WA VIJIJI WAPIGWA MSASA MFUMO WA MANUNUZI (NEST)

Imewekwa Kwenye: April 24th, 2025

Kaimu Mkurugenzi Mtendaji wa Halmashauri ya Wilaya ya Kyela Ndg.Gerlad Mlelwa amehitimisha mafunzo ya matumizi ya Mfumo wa Manunuzi NeST kwa Walimu wakuu,walimu wa manunuzi,wakuu wa Shule ,watendaji wa Kata na wa vijiji katika Halmashauri ya Wilaya ya Kyela katika Ukumbi wa Sisita Hall tarehe 24.4.2025.

Akihitimisha  Mafunzo hayo Kaimu Mkurugenzi amewapongeza washiriki hao kuwa miongoni mwa wanufaika wa  Mafunzo hayo na kuwataka kutumia mafunzo hayo kama fursa ya kujua hatua  zote zinazohitajika kwenye mfumo huo.

Ndg.Gerlad Mlelwa  amesema hatua za kisheria zitachukuliwa  kwa wale watakaokwenda kinyume na kanuni za mfumo wa NeST kama walivyoelekezwa na Kufanya Manunuzi nje ya Mfumo wa Nest ni Kinyume cha Sheria

Aidha Kaimu Mkurugenzi amefafanua kuwa, "Mfumo huu wa kielektroniki umeundwa ili kuboresha uwazi, ushindani, na usawa katika michakato ya manunuzi ya umma, hivyo tunaamini kwa mafunzo haya yatasaidia kutatua  changamoto hususani kuharakisha michakato ya manunuzi ya vifaa vya ujenzi  na upatikanaji wa mafundi kwani mfumo ni rafiki na kufanikisha Miradi ya Maendeleo kumalizika kwa wakati

Kwa upande wake Ndg. Anthony Masau Afisa kutoka mamlaka ya udhibiti wa manunuzi ya umma (PPRA) Nyanda za juu kusini anaamini kwamba mafunzo hayo ya  kuwajengea uwezo walimu wakuu,walimu wa manunuzi, wakuu wa shule,watendaji wa kata na wa vijiji  yanalenga kuwawezesha kutumia mfumo wa NeST kwa ufanisi bila vikwazo na panapotokea changamoto PPRA ipo tayari muda wote kutoa usaidizi"