Wananchi Wa Kata Ya Talatala Wasikilizwa Na Kutatuliwa Kero Zao

Imewekwa Kwenye: July 13th, 2024

Mkuu wa wilaya ya Kyela Mhe. Josephine Manase ametembelea kata ya Talatala kijiji cha Ngolela tarehe 12/7/2024, ikiwa ni muendelezo wa ziara ya  kusikiliza na kutatua kero mbalimbali zinazowakabili wananchi wilaya ya Kyela.

Katika ziara yake Mhe. Josephine Manase, ameambatana na Mkurugenzi Mtendaji wa halmashauri Bi.Flora Luhala, Wakuu wa idara na Wakuu wa taasisi  mbalimbali za kiserikali.

Akiongea na wananchi wa kijiji cha Ngolelela Mhe. Josephine Manase, amewaomba wazazi kua na utaratibu wa kutoa mchango wa chakula kwa wanafunzi ili  waweze kupata huduma ya chakula wanapokua shuleni.

Akisikiliza kero mbalimbali ikiwa ni pamoja na kero ya vitendo vya ukatili kwa watoto wa kike, unaotokea  kutokana na uwepo wa pori katika kijiji hicho;

Mhe. Mkuu wa wilaya ya Kyela, amewataka viongozi kwa kushirikiana na wananchi kusafisha eneo  la pori hilo ili kulinda usalama kwa  watoto wa kike hasa wanapoenda na kutoka shule.

Aidha Mhe . Mkuu wa wilaya aliweza  kujibu na kutatua  baadhi ya kero zilizotajwa na wananchi ikiwemo kero ya umeme, miundombinu, na maji   kupitia taasisi husika,

Aidha katika suala la ukosefu wa ajira amewataka wananchi waliohitimu kada mbalimbali kujiunga kwenye mfumo wa ajira na kufanya kazi kwa kujitolea kulingana na kada zao ili kupata ujuzi zaidi.

Aidha  Mkurugenzi Mtendaji wa halmashauri Bi. Florah  Luhala ametoa maagizo kwa walimu wanaondelea kuchangisha michango wanafunzi pasipo makubaliano rasmi baina yao na wazazi, kukomesha maramoja  michango hiyo ikiwa ni  kuendeleza sera ya elimu bure.

Pia kuelekea katika uchaguzi wa serikali za mitaa Bi. Flora Luhala  amewataka wananchi kujitokeza kwa wingi  kuhakiki taarifa zao katika daftari la kudumu la mpiga kura pindi itakapoanza zoezi hilo.