WASIMAMIZI WASAIDIZI WA UCHAGUZI NGAZI YA KATA WALA KIAPO CHA UADILIFU WILAYANI KYELA

Imewekwa Kwenye: August 4th, 2025

Msimamizi Mkuu wa Uchaguzi Jimbo la Kyela Ndg.Keneth Nzilano amefungua mafunzo kwa wasimamizi wasaidizi wa Uchaguzi ngazi ya Kata ikiwa ni sehemu  ya maandalizi ya uchaguzi  Mkuu wa mwaka 2025 katika ukumbi wa mikutano wa Halmashauri tarehe 4.8.2025.

Mafunzo hayo yatafanyika ndani ya siku tatu mfululizo kwa washiriki 66 kutoka kata za Halmshauri ya Wilaya ya Kyela.

Ndg.Nzilano amewataka washiriki wa mafunzo kuzingatia katiba,Sheria kanuni na miongozo mbalimbali  inayotolewa na Tume ya uchaguzi.

Aidha amewataka washiriki kutambua mapema vituo vya kupigia kura ili kubaini mahitaji maalumu ya vituo husika na kuhakikisha vinakua na mpangilio mzuri utakaoruhusu uchaguzi kufanyika kwa utulivu na amani.